Loading...
Logo
  • बिहिवार, मंसिर २३ २०७८Dec 09 2021

images
images

कोरोना फैलिएपछि सरकारको कडा निर्णय, देशभरका सीडीओलाई तत्कालै निर्देशन

कोरोना फैलिएपछि सरकारको कडा निर्णय, देशभरका सीडीओलाई तत्कालै निर्देशन

  • मिडिया डबली

  • मंगलवार, बैशाख ३० २०७७


  • कोरोना फैलिएपछि सरकारको कडा निर्णय, देशभरका सीडीओलाई तत्कालै निर्देशन
    Caption:

    काठमाडौं – विश्वव्यापी महामारीको रुपमा फैलिएको कोरोना भाइरस संक्रमितको संख्या नेपालमा ह्वात्तै बढेपछि सरकारले कडा निर्णय लिएको छ ।

    मन्त्रिपरिषद्को निर्णयले लकडाउन खुकुलो पारिएको सन्देश प्रवाह भएर लकडाउन उल्लंघन भएपछि देशभर भीडभाड बढेको थियो ।

    images

    गृह मन्त्रालयले मंगलबार देशभरका प्रमुख जिल्ला अधिकारी (सीडीओ) लाई कडा निर्देशन दिँदै एक जिल्लाबाट अर्को जिल्ला जाने गरी जारी भएका सबै सवारी पास रद्द गर्ने निर्णय गरेको छ ।

    कोरोना संक्रमितको संख्या बढिरहेका बेला गृह मन्त्रालयले मंगलवार दिउँसो कडा निर्णय गरेको छ । मंगलवार एकैदिन ५७ जना कोरोना संक्रमण पुष्टि भएपछि आवतजावतमा कडाइ गरिएको छ ।

    गृह मन्त्रालयका उपसचिव उमाकान्त अधिकारीले भने, ‘बिहीवारदेखि लागू हुने गरी कडा निर्णय गरिएको हो ।’ उपत्यकाका ३ जिल्लाको हकमा भने एक जिल्लाबाट अर्को जिल्ला जान नपाइने प्रावधान लागू नहुने उनले बताए । उपत्यकामा कार्यरत सरकारी कर्मचारीको हकमा पनि पासलाई अनिवार्य गरिएको जनाइएको छ ।

    यसअघि सरकारी कर्मचारी, बैंक तथा वित्तीय संस्था, उद्योग, निर्माण सेवा लगायतसँग सम्वद्ध व्यक्तिले कार्यालयको परिचयपत्र देखाएर हिँड्ने गरेका थिए । अब सम्बन्धित नियामक निकायबाट प्राप्त पास अनिवार्य गरिएको छ ।

    सञ्चारकर्मीको हकमा भने सूचना विभागले जारी गरेको परिचयपत्रका आधारमा आवतजावत गर्न दिइने गृह मन्त्रालयले जनाएको छ ।

    मंगलवार, बैशाख ३० २०७७०७:५५:१७
    सम्बन्धित समाचार
    • प्रधान सम्पादक

    • कृष्ण प्रसाद पहाडी
    • सम्पादक

    • शोभाकान्त सापकोटा
    • साइट

    • बिनोद भट्टराई
    • संवाददाताहरु

    • निर्मला पौडेल
    • अमृत चापागाई
    • अर्जुन पहाडी
    • डबली नेटवर्क्स प्रा.लि, अनामनगर, काठमाडौँ

    • फोन नम्बर :९८०११२३३७१
    • [email protected]
    • वेबसाईट: www.mediadabali.com
    • सूचना विभाग दर्ता नं.::१८१/ ०७३ -०७४

    Copyright © All right reserved to Dabali Networks P. LTD. Site By: SobizTrend Technology